Friday, October 9, 2009




تعرف يا بن الناس حاجة عن البدروم؟
تعرف لما تكون تعبان وفقير
ولما حاجات كتير بتكون؟
تعرف لما الهوا بيكون مكتوم
وحيطان البيت تهدد قلبك برطوبة؟
تعرف لما يكون اكلك ده تراب
وجوا عذاب عايش جواك
واحلامك مهدودة؟ تعرف؟
تعرف لما تحب تشوف التليفزيون
ساعة ما يكون مش موجود
وتسمع صوته من اوضه؟
او م الشارع هاتحس بإيه؟
طاب بلاش دى....
عارف لما تكون مخنوق
نفسك تصرخ مش عارف
وف نفس الوقت ,
تسمع جارك بيتخانق
بينادى على حاجة موجودة؟
حاجة معناها اننا سامعين
افكار الكل ومش سامعين
حاجة جوانا بتصرخ
وبقالها يدوب ايام معدودة

No comments: